Olufe: ki ore ofe ati alaafia je tire titi lailai lati odo Olorun Baba wa ati Jesu Kirisiti Oluwa ati Olugbala wa. Kaabo sinu ose tuntun miran ninu osu Okudu 2020. Mo si gbadura pe ki okan re gba okun lati je olododo si Oluwa titi de opin, bi o ti wu ki nkan ri nibi yowu ti o ba ti ba ara re, ni oruko Jesu Oluwa. Amin.
Okan lara nkan ti Oluwa gbe oriyin fun ijo Pagamu, okan lara awon ijo re ti o wa ni agbebe Esia aye igba ti a ko oro bibeli, si ni pe won je olotito si, bi o tile je wipe ibujoko Satani gan funrare ni won n gbe. Iwo na wo bi O se ba won soro ninu leta re si won:
“Emi mo isee re, ati ibi ti iwo n gbe, a ni ibi ti ite Satani ni wa: ati pe iwo se olooto si oruko mi sibe, ti iwo ko si se igbagbo re ninu mi, ni ojo wonyi ninu eyi ti Antipa i se olooto ajerri-iku mi, eni ti won pa ninu yin, nibi ti Satani n gbe.” (Ifihan 2:13)
Nkan akoko ti Oluwa so fun awon ara yi ni pe Oun mo ibi ti won n gbe. Eyi ko si ni i se pelu oruko ilu won. Lotito, O mo oruko ilu won, eyi ti i se Pagamu. Sugbon oruko ilu won ko ni koko oro; koko oro ni awon isele ti o n waye ninu ilu na ati ipa ti won n ko lori igbesi aye awon eniyan ti o wa nibe.
Gegebi oro Oluwa, ilu yi ni Satani n gbe ni akoko ti O n ko awon oro wonyi. Lotito, a mo nipase iwe mimo pe alarinkiri ni Satani – oun ko le fi ibikankan se ibujoko re titi lailai (Joobu 1:7 & 2:2). Amon awon igba miran a ma wa ti yo fi igba die fikale si ibikan lati se ose nibe. Ti o ba si ti fi ibikan se ile re, a le mo daju pe dandan ni ki ise emi okunkun po si ni ibe. Eyi yoo si yori si ki iwa ika, isekuse, iborisa, oso sise, ilodi si ododo, itanje, rugudu ati oniruru ibi po si ni irufe ibi be.
Boya iwo gan tile ti fi igbakan gbe iru ibi – ilu nla, ilu kekere, abule, adugbo, agbole, ile ise tabi ile iwe – ti a n soro re yi ri. Nikete ti o debe ni o ti mo pe nkan o se enure nibe. O le so tabi fura pe okunkun birimubirimu wa lori awon ti o n gbe ibe. O si tun le ri bi okunkun yi se n yi aye awon olugbe ibe po, ti o si je ki won ma se awon ohun ti ko to ati ti ko ye. Fun apeere, mo fi igbakan gbe ilu kan ri nibi ti o je wipe opolopo odomode lokunri ati lobinrin ni won ti di baba ati iya labe orule awon obi won, ti opo ko si ri nkan ti o buru ninu eyi. O wa tunmo si pe isekuse gbile ni ilu yi debi wipe awon omo kekeke na n kopa ninu re. Nitorina, ni akoko ti mo n so yi (n ko le so bi ibe se ri lowolowo yi), o soro lati to omo lati wa ni aileri. Ti iwo gan ba si de ibe gege bi eniyan mimo, ti o ko ba si sora lati rin ninu agbara Emi Olorun, ko ni i pe rara ti aye re yoo fi di idakuda ninu isekuse.
Ki wa ni idi ti ibikan se le ri bayi? Fifi ikale Esu tabi fifi ikale lara awon angeli alagbara re is ibe ni o ma n saba fa (Efesu 6:12). Awon ni won ma n fi ero, imo ati aba buburu pelu iro kun okan awon eniyan. Awon nkan wonyi si ni o ma n di alagbara mo awon eniyan lowo, ti won a si ma mu won ni eru lati se awon nkan ti o ma n mu ipalara wa. Ti awon emi buburu yi ba si ti fi ibikan se ile won, o di dandan ki awon irufe nkan buburu kan bere si ni fi ese mule ni ibe, ti won yo si bere si ni pa igbe aye awon ti o n gbe ibe lara.
Sugbon, ni ti awon ara ti o n gbe ilu Pagamu ti Oluwa n soro nipa ninu ese bible ti o wa ni oke yi, won ko gba ki nkankan pa isododo won si Oluwa lara lona kankan, bi o ti le je wipe Satani fi ilu won se ibudo. Eyi tunmo si pe won ko lati ba awon ti won jo n gbe ilu yi dogba ninu iwa aimo Olorun, bi o tile je pe a gbogun ti won lati se be. A tile ri wipe a pa okan lara won, eni ti o n je Antipa, nitori igbagbo re. Sibesibe, awon ara wonyi ko se igbagbo won ninu Jesu Kirisiti Oluwa. Be e si ni won ko yonda ara fun Esu lati ba aye won je nipase gbogbo awon nkan ti ko da ti awon ara ilu won n se. Eyi lo si je ki Olowa gbe oriyin fun won, ti O si tun je ki won mo pe Oun mo gbogbo nkan ti won n la koja ati pe, nigba ti akoko ba to, Oun yo fun won ni ere won, ti won ba je olotito si titi de opin.
Nibakanna, Oluwa mo ibi ti iwo ati emi n gbe ati awon isele ti o wopo nibe. O mo ibi ti a ti n sise, sowo tabi kawe ati awon nkan ti o wopo nibe. Sibesibe, O fe ki a je olotito si, ki a si ma baradogba pelu awon ti a n ba gbe ninu awon nkan buburu ti won ba ti fi ara won jin fun, bi o tile je wipe Esu funrare gan ni a n ba gbe. Ti ijo ti Pagamu ba si le je olotito si ninu eyi, awa na le je olotito si. Nitorina, eyi ti a o fi ma se awawi fun fifi ara wa jin lati se awon nkan buburu ti o wopo ni awujo wa, nse ni o ye ki a ma gba ohunkohun ti a ba nilo lati je olotito si Oluwa lati ibi ite ore ofe Olorun (Heberu 4:14-16). Ranti pe ti a ba je olotito si, a o gba oriyin ati ere lati owo re. Sugbon ti a ba teriba fun igbogun Esu ati aye, o sese ki awa na je alabapin ninu idajo ti o di dandan ki o wa sori aye yi. Adura mi si ni pe ki eyi ma je ipin wa ni oruko Jesu. Amin.
Ki o ni ose to larinrin.
Copyright © 2020, Reality Desk, a ministry of Alaythia Bible Church –This material is the sole property of Reality Desk. It may be copied for personal non-commercial use only in its entirety free of charge. All copies must contain this copyright notice. Please direct any questions you may have to alaythiabiblechurch@gmail.com/alaythia4all@gmail.com or call: 08037592851 (WhatsApp Number: 07085711280)
Lati owo: J.O. Lawal | Ojo: Okudu 21, 2020
Atelera: Latori tabili Paitor | Nomba: Vol. 9, No. 7
